I didn’t choose to be gay, I just got lucky so I choose to be happy


 

A person once asked me, in a provocative manner, If I approved of Homosexuality. I replied with another question. ” Tell me; when GOD looks at a gay person, does he endorse the existence of this person with love, or reject and condemn this person?”

– Pope Francis


Malambot, Malamya, Iyakin, Sensitive, Duwag at kong ano ano pa. Halos lahat ata ng mga yan narinig mo na at pumasok sa tenga mo. Bata ka palang ramdam mo na ang dis gusto ng komunidad mo sa mga tao na tinatawag nilang Bakla. Sa kagustuhan mong h’wag ka nilang saktan sa salita man o pisikal ay pinapakita mo sa kanila na lalakeng lalake ka at hindi totoo ang lahat ng sinasabi nila. Ikinukobli mo pa ang sarili mo sa isang relasyon na alam mong hindi naman talaga ikaw.

Bata ka palang ramdam mo na ang pait ng panlalait at panghuhusga ng lipunang ginagalawan mo, ramdam mo na ang pag kundina ng relihiyon sa kagaya mo. Tinuruan ka at pinalaki ka ng maayos ng magulang mo upang masunod nila ang takot nila na magkaroon ng isang “Baklang anak”.  Naranasan mo ang pagdidisiplina ng Tatay mo sa tuwing nakikitaan ka ng kakaibang galaw na hindi sumasang ayon sa paningin nila, galaw ng malayang bata na iparamdam kong ano ba talaga sya. Nalasap mo ang hagupit ng sinturon sa twing lumalambot ang puso mo sa bawat pangaral nila. Nilunok mo ang bawat masasakit na salita na nang gagaling mismo sa minamahal mong pamilya.

Credit to the owner

 

Sa kabila ng mga naranasan mo sinubukan mong magpakatatag. Pinilit mong Inintindi ang bawat hagupit ng sinturon, Inisip mo na mahal ka nila at baka nga naman mali ang mga nagagawa mo kaya sila nagagalit. Lumaki ka na pilit mong tinatalikuran  kung ano ba talaga ang nararamdaman mo. Naging matatag ka at pisikal mong ipinakita na lalake ka pero may mga pagkakataon na ang malambot mong puso ang nagingibabaw. Lumaki ka at hinarap ang tunay na mundo. Taas noo mong binago ang pagkatao mo at tuluyang kinalimutan na ikaw ay isang iyakin, lampa at malambot ang kilos. Tinanggap ka ng buong buo ng lipunan sa katauhang pilit mong pinaninindigan.

Hindi ka naging masaya sa ginagawa mo kaya hinanap mo ang sarili mo sa lugar na kung saan ay magiging masaya ka. Inilabas mo ulit ang iyong kapa. Iwinagayway mo ulit ang watawat mo at sinindihan mo ulit ang bituin mo upang mag ningning sa lipunang ginagalawan mo. Wala kang takot na harapin ang katotohanan. Sa pag kakataong ito mas masahol pa ang naranasan mo kaysa noong bata ka. Ang dating sinturon na dumadampi sa iyo ay hindi pala ganoon kasakit dahil ang pinaka masakit ay ang talikuran ka ng mga taong minahal, mo mga taong nirespeto at inalagaan mo.

Hindi pala masakit ang mga salitang naririnig mo noon, mas masakit pa ang mga salita at panghuhusga na nararanasan mo ngayon. Mga tawa sa tuwing tatalikod ka. Mga pang mamata sa t’wing pilit mong pinapaintindi na iba ang paraan ng pagmamahal mo sa nakasanayan nila. Pandidiri dahil sa hindi nila gusto ang paraan ng pagpapakita mo ng salitang mahal kita. Sa kabila ng nga yan hindi mo sila inintindi. Naglakad ng taas noo at iwinagayway ang mga makukulay na bandera ng iyong pagkatao. Hindi mo ginusto na maging bakla, hindi mo pinili ang iyong nararamdaman at lalong hindi mo kagustuhan ang magmahal sa paraang masasaktan ka. Mapalad ka dahil lubos kang nakakaunawa sa lahat ng mga mapanghusga. Minsan inisip mo na salamat at napalaki ka ng maayos kahit alam mong hindi iyon ang paraan na magiging masaya ka.

Tandaan mo patuloy mong itataas ang banderang makulay. Walang relihiyon na magdidikta sa kong papaano ka magmahal kahit ang Dyos na sinasabi nila ay hindi ka mapipigilan dahil alam nya na masaya ka sa paraan na kong ano ka.

June 25, 2016 Lapu Lapu shrine Manila. Kahit ang nanahimik na bayani ay ipinagmamalaki ka dahil sa iyong pagkadakila at pagiging matapang na ipaglaban ang karapatan mo, pinaglalaban mo ang karapatan mo hindi isang bakla kundi isang tao na naninirahan sa bansang pinaiikot ng mga relihiyong ginagamit ang bibliya paramakapanakit ng kapwa.

Credit tonthe owner Loveyourself.ph

-Fin




Advertisements

THANK YOU!!

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s