Category Archives: Diary

Noong minsan may TAYO


Masaya tayo na nagtatawanan nagbibiroan at niyayapos ang sandaling magkasama. Noong minsan ay may tayo, pinangako mo na ikaw lang at ako doon sa sa upuan kong saan tayo unang nagtagpo.

Pinangako mo ang mga salitang “Mahal mo ako” at napaniwalang ito ay totoo. Habang binibigkas mo sa mga labi mo ang mga katagang pangako ko, ay para akong isang kahoy na ipinako mo sa kinatatayuan ko.

Binuhos mo ang kilig sa katawan ko na para bang ikaw ang una at huling taong mamahalin ko. Mahal kita! yan ang binitawan mo habang ang mga mata mo ay nakatitig sa mga mata ko. Nakatitig ang mga mata mo na parang Tala na nagbigay liwanag sa puso ko. Nakita ko ang katotohanan at pagsusumamo mo na kahit bulag itong puso ko ay naramdaman ko naman ang mga katagang sinasambit mo, Tumatagos ang bawat linya na binibigkas mo. Linya na dumadaloy sa dugo ko patungo sa puso ko  at ang puso ko ay ibinubuga ito kasabay ng pagtibok nito.

Noong minsan ay may tayo, gumawa ako ng isang tula na ang bawat talata ay binibigkas ko na may saya at lambing. Lambing ng isang nagmamahal at nabubulag sa pagmamahal. Gumawa ako ng tula upang ipakita sa iyo na kahit ang mga tala ay kumikinang sa kinatatayoan mo. Liwanag ang nakikita ko dahil sa pagkakataong iyon nabulag ako sa liwanag na inihatid nito.

Pinakilig mo ako na parang isang halaman na ngayon lang nadiligan. Pinaramdam mo ang salitang tayo sa maraming tao na kahit ang mga mata nila ay nanlilisik sa panghuhusga ng makita nila ang dalawang lalake na naghahawak kamay na hindi alintana ang mga taong akala mo ay nakasutana. Hinawakan mo ang mga kamay ko kasabay sa paghigpit nito na ang pangakong ngayon ay tayo ay hindi magbabago.

Pero Natapos ang minsan na may tayo ng makita kita sa parehong lugar na may pinapangakuan at inaalayan ng parehong pagmamahal na iyong ibinigay noong unang maging tayo. Naramdaman ko ang kab0g ng dibdib ko. Kumakabog sa kaba at lungkot na ang dating linya na binabangit mo ay unti unting nanunuot sa puso ko. Linya ng pagmamahal na ngayon ay gumuguhit at nagdadala ng sakit sa puso ko.

Tumayo ako sa di kalayuan habang kayo ay pinagmamasdan. Nakangiti ka sa kanya gaya ng mga ngiti na iyong ibinigay noong unang maging tayo. Naramdaman ko ang lungkot at poot ng makita kitang hinawakan ang kanyang mga kamay gaya ng paghawak mo sa aking mga kamay noong minsan ay may tayo. Nakita ko ang saya sa labi at mga mata mo habang kinakausap mo sya at nakatitig ka sa mga mata nya.

Lumakad ako papalapit sa inyo upang malaman mo na ako ay nandirito, na handang patawarin ang kamalian mo. Pinilit kong kausapin ka upang ibalik ang salitang TAYO, pero mas pinili mo ang bago mo, na kapareho lang halos ng pagmamahal na ipinakita mo noong minsan ay may salitang TAYO.

Lumakad kayo papalayo sa akin. unti unting nawawala sa paningin ko na halos hindi na matanaw ng mga mata ko. Habang dating tala na meron ako ay unti unting nawawala ang kinang nito. Sabay sa paglayo nyo ay ang pagbuhos ng ulan na para bang sinabayan ang pagbagsak ng luha ko. Lumakad akong nakayoko upang hindi makita ng mga tao ang sakit na meron ako, Sakit na dulot ng mga salitang binitawan mo noong minsan ay may Tayo.

Natapos na ang minsan ay may tayo. Nakita kitang nakatayo sa harapan ko. Malungkot at lumuluha.Ang dating tala na napundi ang liwanag ay unti unting kumikislap.  Inakap mo ako at umiyak dahil nasaktan ka sa pagpili sa kanya. Nasaktan ka ng iwanan ka nya na ang pangako na ginawa mo sa akin noon ay ginawa nya sa iyo pero sa huli ay minsan lang din na may Kayo. Ang tala ko na akala ko ay ptuloy na sa pagkinang ay tuluyan ng naglamlam.

Inakap kita nang sobrang higpit, Inakap kita na may kasamang tayo na lang ulit. Pero ang mga akap mo ay akap nang sakit na naramdaman mo sa taong minahal mo. Inakap mo ako upang damayan ka, hindi upang mahalin ako. Binitawan na kita upang mahalin sya at kahit masakit na hindi na pala pwede talaga ay pinilit ko na talikuran ka. Ngumiti ako sayo at ngumiti ka rin sa akin tanda na tayo ay magkaibigan na.

Tinalikuran kita gaya ng pagtalikod mo sa mga pangako mo. Tinalikuran kita habang ako ay lumuluha, Tinalikuran kita habang ang bawat salita na lumalabas sa aking puso ay sobrang sakit na. Mga salitang umasa ako na baka pwede pa?

Sana tayo na lang ulit, Sana ako na lang ulit. Pero hindi ko naramdaman yan sa mga akap mo. Dahil ang naramdaman  ko ay ang sakit na naranasan mo ng ikaw naman ay iwan ng taong totoong minamahal mo. Lumayo na ako sa iyo upang iparamdam na OKAY na ako. Pinaubaya na pala kita matagal na. At sa wakas binitawan ko na ang pag asang sana ay may tayo ulit. Sa huli, paalam sa unang tao na nagbigay ng salitang TAYO.
~fin

Advertisements

LIMOT


Ayokong pumikit ng hindi lamang kita nasisilayan. Ayokong matulog ng hindi ko man lang nahahawakan ang iyong mga kamay. Nais kong maramdaman ang bawat init ng iyong palad na dumadausdos sa aking mga daliri. Iyong init na dati ay sa akin dumadampi, init na dati ay ako lamang ang nakakadama. Gusto kong mahagkan ang iyong mga bisig na kahit sa panandalian ay aking maramdaman.

Yakapin mo ako kahit minsan, yakapin mo ako kahit sa huling sandali lang. Yakapin mo ako na parang walang bukas na nag aantay. Hagkan mo ko at hwag mo ng pakawalan. Yapusin mo ang aking katawan na kahit sandali at sa huli ay aking maramdaman na ako ay iyong minahal. Punasan mo ang luha ko at sabihin mo sa akin na mahal mo rin ako.Punasan dugoang puso ko na tuloy tuloy sa pag tagas dahil sa sakit na ginawa mo. Nakikiusap ako na hwag kang lumisan na parang ikaw ang syang nasaktan.

Hipan mo ang aking tenga at ipadama mo ang init ng iyong hininga. Hininga mo na parang musika sa aking pag tulog. Ibalik mo sa akin ang dati kong matamis na ngiti. Ibalik mo sa akin ang ngiti na dati ay iyong ibinigay, Ngiti na sa ngayon ay hindi mo na makikita pa. Lasingin mo ako ng iyong mga salita upang sa ganoon ay maging manhid ako na parang may anestisya. Manhid sa pagtingin ko sayo na kahit mahal pa kita ay kailangan na kitang pakawalan. Manhid upang hindi ko maramdaman ang iyong tuluyang paglisan.

Sa Huling pagkakataon hayaan mo akong sabihin ko sa iyo na salamat sa sakit na ibinigay mo dahil ngayon ay natuto akong lumaban sa bawat insulto at sakit pa na makukuha ko. Salamat sa bawat salita na binitawan mo na mahal mo ako iyon pala ay hindi totoo. Salamat sa sampung kasinungalingan na pinaniwalaan ko noong tayo. Salamat sa mali at tamang nagawa mo dahil ngayon alam ko na na hindi ako bato. Salamat sa tawang ibinigay mo na ngayon alam ko na na kahit payaso ay may maskara na kagaya mo.

Sa huling pagkakataon hayaan mo ako na hindi ka mahalin, sa huling pagkakataon hayaan mo ako na ako ang unang makalimot. makalimot sa lahat ng katangahang nagawa ko, sa pag limot sa bawat pangako mo, sa paglimot sa bawat salitang inasahan ko at sa paglimot na tayo ay minsang nagkakilala,

 

-fin

The power of Unfriend and Unfollow


Are you tired of being bashed and bullied from social media? Soak from different negativity from your Facebook timeline? Hatred, negative news and even negative feedback from the past. Getting Bitter from the past, composing anger, jealousy and envy from your Ex. Bf/Gf status.

Now let us discover the power of Unfriend button. Unfriended  him or her from your social media accounts. Less negativity and less toxic to your everyday jolly and fruitful life. You can’t see any news about him/her. You can post whatever you want to make yourself better and happy. You dont need to make your life complicated, the only thing to have a useful day and useful life is to start your day with a smile.

We can see different negatrons sa araw araw na gumigising tayo. Nakakakita tayo ng iba’t ibang uri ng mga tao na talaga namang magbibigay sayo ng hindi magandang umaga. Sa pag gising mo palang meron at merong sisira sa araw mo. Sa pag byahe meron at merong mag uudyok na painitin ang ulo mo. Paano ito maiiwasan Unfollow mo ang mga nakaraan at kahapon na hanggang ngayon ay nagpapagulo sa isip mo. Isipin mo na araw araw ay isang umaga at simula at isang umaga na sa pagtulog mo ay katapusan na ng lahat ng iyong problema.  H’wag mong isipin ang problema masyado dahil sa kakaisip mo hala ka baka makita mo na lang ang sarili mong nag babadyang tatalon sa tulay. Don’t make things comlplicated.

The power of Unfollow. kalimutan mo na kasi. H’wag mo ng sundan dahil sa kakasunod mo masasaktan ka lang. Hayaan mo siyang tuluyang lumayo at hayaan mo rin ang sarili mo na ilayo sa kanya. Sa paglayo at pag iwas may masasaktan at syempre meron din sasaya at hayaan mo na ikaw ang sumaya.  Unfollow the bad habbits of being a Kontrabida o yung isang nagmamakaawa. Hayaan mo na H’wag mo ng sundan ba ang pagkatanga ng isa pang katangahan.  Lahat ng hindi magaganda at hindi nakaktuwa sa iyo ay H’wag mo ng pagtuunan ng pansin. I-unfollow m lahat ng tao na sa tingin mo ay nakakapagbigay ng mabigat na loob sa pang araw araw mong pamumuhay.

Unfriend button. Isang pindot lang di mo na siya makikita, isang pindot lang sasaya kana pero bakit hindi mo magawa. Bakit hirap na hirap ka na pindutin ang button na magpapalaya sa iyo sa kulungan  ng kalungkutan. Dahil gusto mong maghiganti at pagselosin siya? Gusto mo parin bang nakikita ang mga ginagawa nya at gusto mong malaman kung sinusundan ka rin niya. Move on? ok nasasaktan ka at nahihirapan dahil yung tao na iyon ay nagawa nang mag move on, naunahan ka ganun ba iyon?  Sabi nga ni kaibigang Stephen king ”  Some birds are not meant to be caged, that’s all. Their feathers are too bright, thier songs too sweet and wild. So you let them go, or when you open the cage to feed them they somehow fly out past you. And the part of you that knows it was wrong to imprison them in the first place rejoices, but still, the place where you live is athat much more drab and empty for their departure. ”  Diba ang ganda hahah pero di ko rin na gets hehe pero if you make this statement to ponder why not. Makakatulong sya sa iyo para masunod ang Unfriend, Unfollow rules. Simple lang naman ang gusto kung sabihin. Ikaw mismo ang makakapagpasya kung gusto mo maging masaya at malaya sa nakaraang patuloy kang iginagapos. Ikaw ang mas may higit na kaalaman kung kailan ka magiging handa sa paglaya ng iyong nararamdaman.
xoxo

Date, Sex and Goodbye: RelationSHIt goal


“Maraming surpresa ang buhay. Hindi mo alam kong kailan ka magiging masaya at kung kailan ka naman magiging malungkot. Pero sa kabila nito dapat ay matuto tayong tanggapin kung ano man ang mga ibinigay sa atin.”

Date

Masarap sa pakiramdam na pagkatapos ng isang hindi masayang relasyon ay may nakikilala pa tayong ibang tao na magbibigay ulit ng kulay sa buhay natin. Makikilala mo sa hindi inaasahang pagkakataon, pagtatagpuin ang landas nyo sa isang lugar na kung saan ay pareho ninyong pinang galingan.

Kikilalanin nyo ang isa’t isa at magiging palagay kayo sa bawat salita na inyong binibitawan. Ibibigay mo ang tiwala sa unang beses nyong lumabas. Hahanapan mo ng pagkakapareha ang bawat ninyong galaw at salita. Sadyang magiging masaya ka sa bawat oras na kasama mo sya. Parang may kung anong pakiramdam ang hindi mo mapaliwanag sa t’wing napapangiti ka nya. Aangkinin mo ang oras nang kayo ay unang magkakilala. Mauulit at mauulit ang pakiramdam na iyan sa tuwing kayo ay lalabas o mamasyal. Isasabay nyo na lang sa hangin ang bawat biro na inyong binibitawan. Oh kay sarap mainlove sa hindi inaasahang pagkakataon. Matapos ang sakit na naranasan ay may isang bagay at pinto na magbubukas para ibalik ang ngiti mo sa labi.

Sex

Masarap sa pakiramdam na ang inaalayan mo ng init ng iyong katawan ay iyong taong alam mong nagpapaligaya sa iyo. Masarap sa pakiramdam na nagpapalitan kayo ng init ng katawan sa isang lugar na alam mong kayo lang ang naririto. Ibinibigay mo ang isang bagay na alam mong dapat lang ibigay sa taong alam mong nagiging masaya ka pagkasama sya.

 


Mararamdaman mo ang romansa sa bawat bahagi ng iyong katawan. Ibibigay mo ang nais nya dahil sa mahal mo sya. Iniaalay mo ang bawat halik mo sa kanyang labi dahil sa uhaw ka sa halik ng kanyang pagsinta. Matagal mo na ring hindi naranasan ang romansang nagbinigay sa iyo ng init at halong lamig sa katawan. Romansa na nagdadala sayong katawan sa kaba ng iyong pananabik. Masarap ang ibahagi ang iyong pagkatao sa taong alam mong siya ang karapatdapat dito. Yung taong pinanabikan mo sa tuwing titig sya sa iyo na parang hinuhubaran ka sa kawalan.
Goodbye

Matapos ang masasayng sandali na magkasama kayo, matapos ang mga init na naramdaman nyo ay agad siyang aalis ng walang paalam. Ikaw ngayon ay mag iisa at susubukang magsimula muli. Pipiliting kalimutan ang bawat saya na ibinigay nya. Pipilitin mong talikdan ang bawat palasak na salitang binitawan nya. Titingala ka at sasabihing kaya mo pang magsimula kahit ang alam mo ay mahirap at hindi alam kung paano maguumpisa.

Hindi nga sya ang karapat dapat sa iyo. Pinatawa ka at ngayon ay pinaiiyak ka. Hayaan mo ng lumayo ang taong nagpasaya sa iyo. Hayaan mo ng lisanin nya ang Magulo mong buhay, hayaan mong magsimula sa wala. Lumayo aka at kalimutan sya at magsimula ka ng pulutin ang mga pirasong sakit na naiwan mo sa sahig. Magsimula ka na parang walang nangyari at harapin ang katotohanan na marami ka pang makikilala na patuloy na mananakit saiyo hanggang sa matauhan ka. May makakasalamuha kang mas higit pa na sakit ang ipadarama saiyo. May makikilala ka na magbabalik ulit ng ngiti diyan sa mga labi mo. Magbibigay ulit ng kilig at magpaparamdam ulit ng init ng pananabik. Hwag kang matakot na maghanap, hwag kang matakot sumubok dahil ang buhay ay di napapagod na turuan ka ng leksyon. Hayaan mo lang na masaktan ka kung ang hinahanap mo naman ay ligaya. Hindi mo man maramdaman o makita sa simula baka sa huli ay masumpunga  mo na siya.
xoxo

HIV: Ang Panganib ng Pulang Laso.


image

#Finally

The Love Yourself Inc.

Free HIV Test at Victoria Court Malate Manila May 17, 2015

just Click the link : Free HIV test Direction going to Victoria Court Malate

or register at Registration Form

March 2015, Naitala ang pinakamataas na kaso ng HIV o Human Immunodeficiency Virus. 665 PLHIV o mahigit sa 21 ang nagiging positibo araw araw dahil sa sakit na ito.

Naitala ang pinakamataas na kaso ngayong taon at naitala sya sa buwan ng marso. Kahit sa patuloy na pakikibaka ng ating pamahalaan at ibat ibang NGO laban sa sakit na ito ay di parin maiiwasan ang patuloy na pagtaas ng kaso ng HIV sa ating bansa. Hindi natin maiisantabi ang kadahilanang hindi sapat ang kaalaman ng iilan tungkol sa HIV. Marami na parin sa atin ang takot na mag patest ng ating HIV status Dahil na rin sa takot na baka malantad ang ating kalagayan pag nalaman natin ang ating kondisyon laban sa sakit na ito. Nawawalan tayo ng tiwala sa mga taong makakaalam ng ating kalagayan. Marami ang takot na baka magkaroon sila ng mga karanasan ng diskriminasyon sa ating lipunan o baka naman madami ang takot na malaman ang kanilang kalagayan dahil hindi nila alam ang pwede nilang gawin sa oras na malaman nila ang kanilang HIV status.

Confidential HIV testing and Counseling

Ayun sa ating batas na RA 8504 o HIV/AIDS law of 1998. Nararapat o karapatan ng bawat isang pilipino na malaman ang kanilang kalagayan ng may laya at hindi sapilitan. Karapatan nilang magkaroon ng confidentiality sa sakit na ito. Karapatan nilang magsampa ng demanda sa bawat diskriminasyon na matatangap nila kung sakaling sila ay Positibo. Diskriminasyon sa Trabaho, Paaralan o kahit sa lipunan na kanilang ginagalawan. Isa ang The love yourself Inc. Sa nagbibigay ng tama at wastong counseling sa mga taong nais na malaman ang kanilang kalagayan. Libre at propesyonal ang bawat member nito sa pagbibigay ng wastong counseling sa mga nagpupunta dito. Ang iba sa kanila ay certified RITM change agent at DOH certified Counselor na naglaan ng ilang buwan at araw para maging sertipikado sa larangan na ito. Pre at post test counseling ang serbisyong ibinibigay nila. Libre ang HIV testing at sigurado ang confidentiality ng inyong resulta.

ARV Drugs

Sa Ngayon wala naman talagang gamot upang masugpo ang HIV sa loob ng katawan ng tao na PLHIV. Pero meron namang gamot na binibigay ang ating gobyerno upang malabanan ang mga maaring sakit na maiduuulot ng HIV. Gamot na magbibigay sa inyo ng kahulugan nang salitang may Pag asa. Ang HIV ay parang Diabetes o altapresyon na nangangailangan ng maintenance para mapanatili nating malakas ang ating pagangatawan. HIV is not a death sentence.

Sino ba ang pwedeng magkaroon ng HIV?

Bata, Matanda, Babae man o lalake ay maaring malagay sa panganib ng pagkakaroon ng HIV. Hindi dahil sa kung ano ka o kung ano man ang sekswalidad kaya ka magkakaroon ng HIV, kundi sa kung ano ang ginagawa mo sa pagkakaroon nito. Sa maling kaalaman tungkol sa HIV ay maaring malagay ka sa panganib o mailagay mo ang sarili mo sa pagkakaroon nito. Hindi mo maisasa walang bahala ang HIV status mo lalo na kung may mga pagkakataon sa buhay mo na naging progresibo ka sa iyong mga kilos at ginagawa.

Paano ba nakukuha ang HIV?

Dugo, Semilya, Hema o vaginal fluid at gatas ng ina ang mga pangunahing likido na maaring makahawa sa oras na lumabas ito sa taong mayroong HIV.  Unprotected sexual intercourse o hindi pag gamit ng condom, Blood to Blood products o pagsasalin ng dugo na hindi dumaan sa tamang proseso at Mother to child transmittion o ang mga inang nagbubuntis at nagbuntis na positibo sa HIV.  Iyan ang mga paraan kong paano makukuha o magkakaroon ang isang indibidwal ng  HIV.

Know your status

Karapatan mo na malaman ang iyong kalagayan para naman na sa oras na ikaw ay negatibo ay malalaman mo ang mga pamamaraan para makaiwas sa sakit na ito at kung ikaw naman ay positibo malalaman mo rin ang mga paraan upang maiwasan ang pag salin pa nito sa ibang tao at sa ganyun din ay malalaman mo na maraming handang tumulong sa inyo. Kung ikaw ay positibo maaring mabago mo pa ang konotasyon mo sa sakit na HIV. Hwag kang matakot may gamot naman na nagbibigay alaga para sa ating katawan upang maiwasan ang pagpasok pa ng ibat ibang uri ng mga sakit.

Paano ito maiiwasan (Triangle of Self Care)

Sapat na kaalaman at edukasyon tungkol sa sakit na ito ang tangi nating panlaban upang hindi na kumalat ang HIV sa ating bansa. Pakikipagtulungan at sapat na pagkalinga at pang unawa ang mga tulong na pwede nating ibigay.

T3 o Timely Testing and Treatment.

Mag pa test at mag pa counsel tuwing tatlong buwan lalo na kung may mga bagay kang ginagawa na maglalagay sayo sa alanganin ng pagkakaroon nito. Kung malaman mo naman ang iyong status at ikaw ay positibo maari kang makipagugnayan sa RITM o sa gobyerno at mga NGO upang masimulan mo na ang gamutan.

S3 o Safe and Satisfying Sex

Ang pakikipagtalik ay normal sa ating mga tao na nasa hustong gulang. Ngunit ang hindi pag protekta sa iyong sarili ay hindi magandang gawain ng isang indibidwal na may sapat na kaalaman tungkol sa HIV o sa mga bagay na maglalagay sa atin sa alanganin. Maging ligtas sa bawat ginagawa natin upang maiwasan natin nag mga bagay bagay na maari nating pagsisihan sa huli.

C3 o Correct and Consistent Condom use.

Tamang kaalaman sa pag gamit ng condom at lubricant hindi basta bastang ipinapasok. Maaring maglagay ito sa alanganin ng pagkasira ng condom sa oras na mali ang paglagay at pag gamit ng lubricant. Iba na ang may alam. Protektahan mo ang iyong sarili at ang iyong kabiyak o partner.

BE MUTUALLY FAITHFUL

Ikaw at ako lang ay sapat na. Isa sa magandang ugaliin ng bawat isa na nasa relasyon. Matotong makuntento sa kung ano ang nakahain upang maiwasan ang pagkasira ng buhay at relasyon.

Hwag kang matakot na malaman ang iyong kalagayan. Labanan natin ang HIV. Sugpuin natin ang sakit na ito upang sa kinabukasan ng ating pamilya at mga susunod na henerasyon. Hwag kang magpahuli sa balita ng pagiwas dito. Hindi pa huli ang lahat hindi ito ang katapusan ng bawat nating pangarap.

Know your status and LOVEYOURSELF

 

SALUTATORIAN: The Controversial Speech of graduation 2015


 

“A Filipino citizen who would rather choose to fail with honor, than win by cheating. Adios!”

-Krisel Mallari

Kailan at saan ba dapat inilalagay ang kalayaan nating makapagsalita? kailan ba dapat itigil o patigilin kung ito ay sobra na. Saludo ako sa tapang ng bata na ito na ipahayag ang kanyang saloobin.

Watch the Video below:

 

——FULL SPEECH

BY: SALUTATORIAN OF Sto. NiÑo Parochial School Quezon City. Krisel Mallari

A pleasant morning to my fellow batchmates, to my teachers, guests, welcome to the 13th Commencement Exercises. Sa okasyong ito ay pinipili kong magsiwalat sa wika na aking kinagisnan, ang wikang Filipino o wikang Tagalog. Taong 2004 ng una akong umapak sa silid-aralan ng eskwelahang ito, upang mag-aral. Ngayon, makalipas ang labing isang taon, ay narito ko sa inyong harapan upang ibahagi ang aking karanasan at magbigay-aral. Sa bawat taon na lumipas ay puspusan ang pag-aaral na ginawa ko sa eskwela, naniwala ko sa patas na labanan. Sa pagtatapos ng school year na ito’y isang hakbang nalang ang layo ko sa finish line, ngunit sa pagdating ko rito’y naglaho ang pulang tali na sisimbolo sana sa aking tagumpay, naglaho nga ba o sadyang kinuha? Maraming tao ang nagbulag-bulagan sa isang sistemang marumi at kaduda-duda. Ngunit di ko ito tinuluran, ipinaglaban ko ang sa tingin ko’y tama, nanindigan ako bilang isang Pilipino na palaban at may takot sa Diyos. Chismis, isang piyesta ng chismis ang inabot ko ng pinagmukha nila akong masama. Ganun talaga minsan, pag umayon ka sa kung alin ang tama, ikaw pa ang lumalabas na mali. Di na nga nila pinakinggan ang iyong hinaing, nakuha ka pa nilang laitin. Kung sinasabi niyong wala akong acceptance, marami ako niyan, pero pano kong tatanggapin ang isang bagay na di naaayon sa katotohanan. Para san pa ang aking dedikasyon sa pag-aaral at hustisya kung di ko naman ito ipaglalaban. Sa kabila ng nangyari ay masaya padin ako, tulad nga ng laging sinasabi sa teleseryeng Dream Dad, “Maganda ang buhay”, kaya bakit ako mag-aaksaya ng oras sa kanila kung mas maraming mas kapaki-pakinabang na bagay ang pwede kong gawin. Ngayon ay may piling indibidwal akong gustong pasalamatan, ito yung mga tao na sumuporta sakin sa kabila ng eskandalo na idinulot ng ipaglaban ko kung ano ang sa tingin ko ay tama. Una sa lahat, gusto kong pasalamatan ang Diyos, isa siyang ama, kapatid, kaibigan na naging sandigan ko sa lahat ng pagkakataon, sa hirap at ginhawa. Sa aking ama, dad salamat, salamat kasi ni minsan ay di mo kami sinukuan, salamat kasi naniwala ka sa kakayanan ko, salamat kasi ipinaglaban mo ko kahit pa sumama ang tingin sayo ng iba, salamat kasi ikaw si Ernesto Mallari, ang haligi ng tahanan na nakukuha paring magpatawa kahit alam ko na sa loob niya ay nahihirapan na siya. Sabi nga sa isang pelikula ni Robin Williams, “You are the world’s greatest dad”. Sa aking ina, isang napakalaking thank you, siguro nga’y madalas akong makulitan sa’yo dahil sa madalas mong pangangaral, paulit-ulit nga siguro ang mga sinasabi mo, pero ma, yan ang tunay na dahilan kung bakit the best ka, dahil di ka tumitigil na pangaralan kami pag alam mong naliligaw kami ng landas. Talaga ngang totoo yung kataga na “Mother knows best”. Sa pinakamaganda kong ate, Ate Kat, salamat kasi ikaw ang pinaka nakakaintindi sa mga hilig at pinagdadaanan ko bilang isang babae, ikaw ang aking selfie buddy, church buddy, at shopping buddy na pinagkakatiwalaan ko ng mga sikreto. Sa napakatalino kong kuya, Kuya Kerwin mainitin ang ulo mo, medyo mayabang ka nga siguro, at medyo tamad mag-aral; pero ang di alam ng marami, busilak ang puso mo, salamat kuya, sa pagturo sakin na manindigan pag alam kong ako ang nasa tama. Sa napaka-cute kong kapatid, salamat Kristine, ikaw na siguro ang pinakamatuturing kong tunay na BFF. Julia, Clang, Katrina, Faye, Dane, Nico at sa iba pa, napatunayan niyo sakin na tama ang katagang “quality over quantity”, siguro nga’y di kayo karamihan, pero alam ko na bawat isa sa inyo ay maaasahan at mapagkakatiwalaan ko, kaya salamat! Sa mga teachers na napalapit na sa aking puso, Ma’am Factora, Mam Calanoga, Mam Amil, Mam Garcia, Mam Restor, Mam Castillo, Mam Acacio at Sir Francis, nagsilbi po kayong pangalawang magulang ko, salamat po. At siyempre pa, sa mga taong bumabatikos at nagbibigay ng negatibong komento sa akin, isang napakalaking thank you, kayo ang dahilan kaya’t mas pinagbubuti ko pa ang pag-aaral, tulad nga ng sinabi ng basketbolistang si Dwyane Wade, “My belief is stronger than your doubt”. Panibagong kabanata ang aking haharapin, bilang isang accountancy student sa University of Santo Tomas. Panibagong hamon na nakangiti kong haharapin. At para sa ating lahat mga kapwa ko graduates, ito’y isang mahalagang kabanata kung saan natin gagawin ang pinakamahalagang mga desisyon sa ating buhay. Kaya naman good luck sa inyo, at good luck din para sa kinabukasan ng paaralang ito. Let me finish this in style and say my last words in the vernacular language of the world. I am Krisel Mallari, a Filipino citizen who would rather choose to fail with honor, than win by cheating. Adios!

 

Google may Formula ba ang pag Move on?


image

Mahirap ba? Minsan akala natin ganun kadali diba? Akala natin pag nag tanong ka kay google ibibigay nya sayo ang sagot. Paano ba mag move on? Google? Magbibigay lang naman yan ng mga suggestions pero ikaw parin ang pipili ng kung ano ang tamang sagot. Ganun ba kadali ang makalimot at lumimot?

Aabot ka ng ilang buwan, taon o kahit dekada para sabihin na nakapag move on kana. Depende pa iyan kung anong klaseng sakit ang naranasan mo. Sasabihin mo sa lahat na ok kana pero hindi pa pala. Wala namang madaling formula para makalimot ka agad diba? Na kahit sa tuwing sasakay ka ng Jeep at tutugtog ang paborito nyong kanta eh sisigaw ka na lang ng SHIT ano ba close ba tayo? Ang sakit mo namang magsalita eh.  Iyong pupunta ka sa isang bar at manunuod ng mga kumakanta akala mo rin patama sa iyo ang mga kanta.

Sana 1+1 na lang ang formula diba sa paglimot para kung makuha mo na ang sagot ng hindi ganun kahirap eh mag momove on kana agad sa 2+2. Pero hindi ganun kadali ang lahat. Pagdadaanan mo muna ang lahat ng sakit ulit ng paglimot. Hayaan mo lang na marinig lahat ng kanta nyo noon yong mga kanta na sinasabi mo na paborito nyo. Hayaan mo lang na puntahan at alalahanin lahat ng mga bagay bagay na pinagdaanan nyo. Pasakitan mo ang sarili mo hanggang sa maging manhid na sya sa nararamdaman nito.

H’wag na wag mong gagawin ang makasama sya upang masabi mo na ok kana, kasi kahit papaano meron parin naman diyan kunti sa puso mo. Kikirot at sasakit yan sa tuwing sinusulyapan mo sya. Sa tuwing kakanta sya eh sasabihin mo na para sa iyo yun kahit hindi naman at nagkataon lang talaga. Aasa ka na naman at masasaktan, iiyak at magmumokmok tsk tsk panibagong kabanata na naman ng pag move on.

Ganun ba kadali ang mag move on? Depende kung gusto mo talagang mag move on at depende sa sakit na ibinigay nito. Gusto mong makalimot? Burahin mo lahat lahat ng alaala meron sya sayo. FACEBOOK, IG at kung ano ano pa. Tangalin mo sya kahit mahirap kasi mahihirapan ka lalo kapag nakikita mo sya at sinasabi nyang ok na sya pero ikaw alam mo sa sarili mo na hindi pa ikaw ok. Gasgas na nga ang linya na “Kung para kayo sa isat isa talaga eh di para kayo talaga” hindi totoo yan hwag ka ng umasa baka isang kabanata na naman ng pag move on ang gawin mo.

Okay lang naman na paminsan minsan maiisip mo sya lalo na pag nagiisa ka na lang at walang makausap at mapaglibangan. Okay lang yan sinasabi ko sayo okay lang. Pero sana hwag araw arawin baka malibang ka at makita mo na lang ang sarili mo na nasa helipad na at akmang tatalon na. Lumabas ka, Maghanap ka ng mga kaibigan na masaya kasama iyong tatawa ka na lang ng tatawa kahit alam mong hindi totoo. Okay lang yan dayain mo ang sarili mo na kunwari masaya ka kahit hindi. Dahil darating ang oras na  ang tawa mo ay totoo na at naririnig na pati ng puso mo.

Paano mag move on? Maging masaya ka, magpatawad pero hwag mong kalimutan. Magmahal ka ulit kung kailan handa ka ng magmahal. Pag nasaktan ka ulit back  to step one ulit ng pag move on. Pero hwag na hwag mong hayaang ikaw naman ang makasakit at sila naman ang gumawa ng formula ng pag move on. Magmahal ka ng parang hindi ka nasaktan. Tumawa ka na parang hindi ka malungkot. Kumanta ka na parang cocert king/queen na akala mo hawak mo ang buong MOA arena. Okay lang yan atleast nakayanan mo at makakayanan mo.

Ngayon hahanapin mo pa ba ang kasagutan kay GOOGLE? Sige lang para marami kkng makuhang sagot pero hwag kang umasa na ibibigay sa iyo ni Google ang formula.

Xoxo

Don’t English me, I’m Panic.!!


Credit to the Owner
Credit to the Owner

Isang sentence lang ang alam ko di nyo naman sinabi na essay ang kailangan.”

 

Oh well papel. I don’t know where to start, Do i need to write this article in a full english blog or do i…… Shit nose bleed.. Any way ayokong mag pretend na napaka galing ko sa Ingles ayoko din namang subukan kasi baka magka epistaxis ako. Bakit ba marami sa atin ang hirap sa INGLES pero pilit parin nakikipagsabayan sa madlang bayan sa pagbigkas ng wika na ito.

Kanina lang sa coffee shop sa may Greenfield may grupo ng mga babae sa kabilang lamesa, They are so Konyo, you know.Tagalog tapos kunting Ingles tapos tagalog ulit tapos Ingles ulit. So pasosyal Duh! Then they make inum the milk tea for almost 2hrs at di parin nila maubos. Its so unlimited ba? Wala naman sa akin iyon walang judgement huh. Promise di ko talaga sila hinusgahan. May mga kakilala nga ako na pag nagsalita ng English aba tinalo pa ang BOKABULARYO ko. Ang sakit sa tenga mag Ingles kulang na lang kumuha ako ng silbato at hipan ko para mapahinto ko sya. Yung tipong pilit sumasabay sa usapan nang mga taong dala dala ang buong edition ng Merriam (ME RA YAM) dictionary. Dudugo na nga ang tenga mo sa pakikinig aba dudugo pa ang ilong mo sa pagsasalita na alam mo naman na one english per minute Lang ang kapasidad mo. Inuulit ko di po ako nanghuhusga.

Meron din naman na pag nagsalita ng Ingles napakasarap pakinggan, pero subukan mong isulat at intindihin ulit malilito ka na kung saan nya inilagay ang tinatawag nilang subject verb agreement. May mga ganyan na ang galing mamuna lalo na pag nagkamali ka. Asahan mo in full english subtle pa ang reply, pero pag inintindi mo mali din naman.

Well i don’t want to pretend that i know everything in this world, Im not a jugde promise hahahaha.. Ano daw?. Ganyan ganyan alam mo ng mali pilit ka parin ng pilit hanggang sa buong senaryo ay magkakamali kana. Marunong naman akong mag english hello nakapagtapos ako ng ilang school year english lang yan so chicks. In tagalog sisiw ( ay plural may “S” ) eh di mga sisiw.

Marunong naman tayong mag english iyon nga lang di lahat sa atin may kapasidad na makipagsabayan at may kakayahang bumuo ng isang pangungusap sa english na hindi nagkakamali. Minsan tayong mga pilipino kasi  ang basehan minsan ng katalinuhan ng isang tao ay ang kakayahan nyang makipagsabayan sa inglesan o kaya naman ang basehan ng estado ng isang tao ay nakakapagsalita ng Ingles. Hindi ko naman kayo masisi diyan dahil english is our 2nd language. Pero hwag naman sanang pag tawanan kung ang kaibigan nyo ay hindi marunong o hindi komportable sa lingwahe na ito. Malay mo marunong pala silang mag french, latin o espanyol eh di tinalo ka pa sa pagiging lingwistik nya.

Masarap kasi minsan na nailalabas mo ang saloobin mo sa salitang komportable ka iyong alam mo na walang hahadlang sa bawat salitang binibitawan mo, iyong walang pupuna sa bawat balarilang masasambit mo. Payo ko nga kaibigan kung di mo kayang magsalita sa english ng tuloy tuloy magtagalog na lang. Masarap pa sa tenga at mas nauunawaan pa ng karamihan.

Promis di ka namin huhusgahan dahil lahat naman tayo nagkakamali din minsan.

May mga tao naman namagaling sa pagsusulat ng ingles pero pagdating sa konbersasyon eh doon na nagkakatalo. Meron din ako mga kakilala na nakapasok lang sa call center aba hindi na marunong magtagalog ( Eh di Wow ). Naalala ko na naman tuloy yung kapitbahay naming OFW aba dalawang taon lang halos sa hongkong pagbalik sa pinas nakalimutan na agad magtagalog. Hmm di ko lang mapuna na minsan mali na sya mag Ingles pero ayun si ate sige parin ng sige. Nag isip tuloy ako kung mga puti ba ang nakatira na sa hongkong kasi ang alam ko sinakop lang sila ng britanya, pero mga tsino parin naman ang nandoroon.

Natatawa parin ako sa kasambahay ng boss ko, English only policy kasi ang kailangan pag kakausapin mo ang mga anak nya. Minsan narinig ko sya nagsalita sya kasi humihingi ng pagkain ang alaga nya sabi nya. ” WET BEBI JUST WET.” aba sumagot ang alaga nya “OK YAYA IM WETING”. ( anak ng JUETENG naman )Napalunok na lang ako ng laway. Minsan kasi wala sa mali ng grammar ang english minsan nasa pronunciation (pronountion) din naman. Magaling ka nga mag english pero ang tigas naman ng bawat pagbigkas mo eh di lalong naging komplikado (Bisdak AKo).

Mahirap nga malaman kung ano ang tama at maling ingles dahil maraming pinagmulan ang lingwahe na ito. Maraming salita na nagpasalin salin sa bawat bansa at maraming salita ang nabubuo sa english na minsan ay mag kasing iba na nang kahulugan. Kung pag aaralan natin ang lingwahe (english) masasabi natin na tayong mga pilipino ay may pinakatamang pagbigkas at tamang pagbaybay sa mga pangungusap na ito, kaya lang tayo rin ang may pinakamapanghusga sa bawat isa na nagkakamali ng paminsanan sa pag iingles. Masyado tayong perpekto sa sarili natin na minsan nakakalimutan natin na nakakasakit na tayo.

Be your self and everyone will be true to you. Don’t english me beacause my capacity to communicate in english is very limited and it’s up to the person who im talking. Hahhhahah What?? Im panic. Don’t English me in 1 2 3 4 5 *Nose bleed.

Xoxo

Walang Pamagat


Wala namang button ang puso para pindutin kong kailan at saan ba dapat ang mali at ang tama.

Button ni Corazon

Sa Bilyong bilyong tao dito sa mundo meron naman talagang nakalaan para sa atin. Hindi mo alam na ang hinahanap mo eh kasabay mo na pala sa MRT o di kaya nakasabay mo na sa pampasaherong jeep.  Bawat nilalang ay may kapareha at bawat isa sa atin ay may nakalaan na para sa isat isa.

Sa dinami dami nang nakapareha mo ilan ba sa kanila ang tumatak mismo dyan sa sinasabi mong puso. Sa bawat 1/10 nakarelasyon mo ang tatak talaga ng husto dyan sa pagkatao mo, tao na magiiwan ng saya at kung hindi man minsan ay sakit. May taong nakalaan para pasayahin tayo at may tao rin naman na nakalaan para mag iwan ng sakit na sa hangang ngayon ay di mo makakalimutan. Meron din naman tayong nakikilala na tayo mismo ang nagiging dahilan ng isa sa mga taong hindi nila makakalimutan. Patas lang ang buhay pero minsan inaakala natin dahil tayo ang nasaktan ay hindi na ito naging patas sa atin.

Sa jeep na punuan meron naman baba diyan mag antay ka lang at wag mong pagsiksikan ang sarili mo, dahil sa bawat lubak na nadadaanan mo unti unti kang nahuhulog at di mo na namamalayan nasaksaktan kana pala. Meron din namang nag aantay at umaasa na may dumaan na skip tren na baka sakali na dumaan ang inaantay nya ay makakaupo sya at magiging maayos, ang hindi nya alam na bawat daanang istasyon unti unti syang mapupuno at makikita mo na lang ang sarili mo na di na makahinga dahil ang inantay nating isang bagay ay hindi lang pala tayo ang pwedeng maging laman.

May mga tao naman na nagtatrabaho ata sa PAGASA. Mga nilalang na nabubuhay sa weather weather lang yan, mga taong umaasa na maging sila pero malabong mangyari. Umaasa, paasa at nag papaasa. Pagdatng sa huli daig pa natin ang malakas na bagyo na dumaan sa buhay pag ibig natin. Iiwan tayong walang naisalba, iiwanan tayong walang natira na kahit katiting na pagmamahal sa sarili ay kinuha pa nila. Mga umaasa sa wala at mga nagpapaasa para maging masaya.

Pwede bang may button ang puso na kung saan na ready ka nang magmahal ay pipindutin mo na lang. Pwede bang pindutin pag ayaw mo ng masaktan o di naman kaya ay pindutan para sabihin na handa kanang magmahal at masaktan ulit. Pindutan na pwedeng mamili ng taong mamahalin mo.

Parang pag byahe sa malayong lugar na hindi mo alam kung ano ang nag aantay sayo sa kabilang istasyon. Makikita mo na kaya ang iyong tadhana o mananatili ka paring sawi sa kakaantay at kakahanap ng taong di naman inilaan sa atin. Parang bus na sinasakyan natin papuntang probinsya.Maraming surpresa sa daanan na pwede nyang maranasan pero heto parin sya at patuloy tayong inihahatid sa ating destinasyon. Minsan may stop over ibig sabihin pwedeng magpahinga at kung ok na pwede na uling umalagwa. Kaya dahan dahan pwede namang mag pause para makapagisip ng maayos.

Pwede bang may button ang puso na kung sakali ay nasasaktan na tayo ay pipindutin na lang ang unlove button. Pindutan na di ka mahihirapan na mag move on. Pwede kayang sa isang pindot mo ng button ay hindi mo na sya mahal, pwede bang wag na lang itong tumibok kung masasaktan ka lang din naman. Sana nga nuh ganun kadali ang buhay at ganun kadali ang magmahal.

Sa dinami dami ng sinabi ko isa lang naman ang gusto kung sabihin. Hindi mo pwedeng piliin ang taong nakalaan sayo. Subok lang ng subok bira lang ng bira, magmahal ka man ng sobra o masaktan man hindi naman nyan counted pag nahanap mo na ang taong inilaan o nakalaan para sa iyo. Malay mo sa pag gising mo may tao na palang handang magmahal sayo napapawiin lahat ng sakit o saya naranasan mo sa iyong nakaraan. Hindi paligsahan ang pag ibig, hindi ka naman mananalo kong nakarami ka na. Hindi ka naman din matatalo kung nasaktan ka nang pang ilang ulit. Sabi nga diba sa pelukunang English only please “Wala namang magbibilang kong ilang beses kang nagpaka tanga.”

Xoxo

Mang Juan Dela Cruz

Gaano Kahirap Magpatawad?


rose
Photo Credit to the Owner

kapatawaran ( Facebook Note )

Lahat tayo nagkakamali, nagkakasala at lahat tayo ay pinatawad na rin ng paulit ulit.

Isang gabi napagpasyahan ko na umuwi sa amin upang dalawin ang nanay at tatay ko. Habang nasa byahe ako marami akong naiisip. Masasaya lahat ng naalala ko kahit katiting na poot di ko maramdaman.

Pagbaba ko ng jeep agad akong nagtungo sa simbahan kasi akala ko umpisa na ang misa para sa simbang gabi. Sarado pa sya at tanging mga boses ng koral na nagiinsayo ang naririnig ko. Nakita ko ang Adoracion Chapel bukas ang ilaw at walang tao. Pumasok ako at naghubad ng saplot sa paa upang magbigay respeto sa kanya. Sa di kalayuan natanaw ko ang isang matandang babae, nakaupo at nakayoko. Taimtim na bumubulong ng orasyon. Agad akong nagtungo sa dulong bahagi ng chapel upang lumuhod at magdasal. Hiningi ko sa kanya ang mga kapatawaran sa kasalanan ko at ang basbas na sana ay mapatawad ko ang mga taong nakasakit sa akin. Hiniling ko rin na patawarin din ako ng mga taong nasaktan ko noon. Taimtim akong nagdasal at ipinagdasal lahat lahat. Namutawi na lang sa bibig ko pagkatapos ang salitang pasasalamat. Pagkatapos noon di ko alam kung gumaan ba ang kalooban ko o sadyang ikinukubli ko lang ang anyo ko sa isang kasiyahan na alam kong hindi ako.

Umuwi na ako sa amin. Bukas pa ang munting tindahan ni nanay. Si tatay lasing na naman kaya maagang nakatulog katabi ng nanay ko na pagod galing trabaho. Umupo ako saglit sa sofa kalong kalong ang ulo ng pamangkin kong natutulog din, di ko alam kung pagod sa paglalaro. Hinimas ko ang ulo nya at tinitignan ko sya sa mukha. Napakakalmado ng mukha nya, mukha ng bata na maaliwalas at walang dinadalang problema.

Mga ilang minuto nagising na ang tatay ko papungas pungas sa mata, mukhang nabigla din kasi nakita nya ako at nagmano sa kanya. Agad syang bumangon at nag alok ng makakain, agad syang nagluto ng panghapunan ko. Maya maya nagising na nanay ko. Nag mano ako at narinig ko sa kanya sa unang pagkakataon ang salitang KAAWAAN ka ng DIYOS. ngumiti ako sa kanya.

Lasing din pala ang bunso kung kapatid na lalake kaya naman di maiwasan na magsagutan sila ng tatay ko. Naririndi ako sa away nila, parang problema na naman. Pero lumipas din ng sumawsaw na ako at iniwasan na nila ang isat isa.

Kwentuhan kami ng nanay ko habang nakatingin sa akin. Tinanong nya kung kumusta na ang trabaho ko, bakit daw ako umuwi ng ganong oras, ano daw ba ang sinadya ko. Wala akong sinagot sa mga tanong nya kahit isa. Tinanong nya ako kung may problema daw ba ako at ang tamlay ng mga mata ko. Sabi ko wala pagod lang sa trabaho. Umiling ang nanay ko at sinabi nya na matanda na ako kaya ko na daw.

Pasado alas onse na ng umalis ako sa amin. Tumulong pa akong magsara ng tindahan. Habang nasa byahe ako dun ko naramdaman ang kaginhawaan doon na pumasok lahat ng saya at kirot. Ngumiti ako at sinabi ko na lang na napatawad ko na sila at bukal yun sa kalooban ko. Paguwi ko sinabi ko na napatawad ko na sila at sana mapatawad din nila ako sa masasakit na nagawa ko.

Gumising akong masaya, gumising ako na parang nagsisimula ulit ng panibagong buhay. Kung makakasalubong ko man sila o makikita ko mapapatawad ko parin sila. Nagkamali din ako at lahat yun ay pinagsisihan ko na. BUKAL SA PUSO KO ANG PAGPAPATAWAD kung mababasa man nila to sana ganun din ang ibigay nila sa mga taong nagkamali o nagkasala sa kanila. YUNG nasa itaas lang ang naging sagot sa mga tanong ko at sya rin ang nakakaalam ng mga kamalian ko. Ilang beses nya na akong kinalabit upang pakinggan sya at ako naman ay laging tumutugon at tumatalima sa bawat boses nya na pumapasok sa aking tenga.

Love love love