Tag Archives: Hugot

Bakit saging lang ang may Puso?


Ikaw at ako halos pareho tayo ng tanong, bakit nga ba may puso ang saging? Napapaisip pa nga tayo minsan na kong bakit saging lang ang may puso? ilan ba talaga ang puso nang saging. Marunong bang magmahal ang saging? 

Napapaisip tuloy ako at napapasulat ng kong ano-ano. Iniisip ko mataas na kaya ang presyo ng bigas? May pag asa pa bang magbago ang pagtingin ni crush? O kong bakit dilat ang mata ng isda pag namamatay? Madaming tanong na tumatakbo sa isip ko na wala namang kinalaman sa kong ano ang tinatakbo ng ekonomiya natin. May kinalaman kaya ang HEKASI sa mga nangyayari sa atin. Natanggap mo na ba ang teyorya ni Charles Darwin na nagmula ka daw sa unggoy? Oo bes Ikaw lang hwag mo kaming isama. Basta maraming tanong na siguro hanggang ngayon ay walang sagot. Bakit hindi ka crush ng crush mo? Bakit May gusto kang tao pero kaibigan lang ang tingin sayo? Bilog ba talaga ang mundo? Ilang taon ba si lapu-lapu ng lumaban sya sa Mactan. Bakit may mga kandado ang mga convenience store kong 24/7 naman silang bukas? Ilan ba talaga ang butas ng Sky Flakes kasi last time ng binilang ko hindi pare preho *Binilang ko talaga. Sa 3n1 instant coffee pantay ba ang sangkap nila? *Well hindi ko na sinubukan pang bilangin at paghiwalayin ang kape, asukal at creamer sayang ang time baka mapaghalo ko pa.

 Ang daming tanong diba? Pero may mga naisagot ba tayo sa tanong natin? Bakit may mga nagugustuhan tayo na hindi tayo gusto? Sabi nga sa nabasa ko pwede daw tayong magselos sa taong gusto natin dahil may nararamdaman tayo pero wala tayong karapatan na makiaalam sa kong sino ang kausap nila. Itatanong ko pa ba kong bakit Single ka parin hanggang ngayon? Kahit ilang 11:11 na ang nakita mo sa orasan *Pero ang totoo inaabangan mo talaga. Pag nakita mo na ang oras na yan magbubugtong hininga ka at hihiling sa mga tala, sa buwan, sa mga fairy dust bug mites na sana ay magustuhan ka din nya. Kikiligin ka pa kasi hindi ka makatulog sa gabi at iniisip mo na baka kaya naman di ka makatulog dahil iniisip ka nya. Ayan naniwala ka na naman sa nabasa mo sa internet na kong hindi ka makatulog sa gabi ay may nagiisip sayo *Hwag patola bes.

Pinaniwalaan mo din nag matandang kasabihan na kapag makati ang ilong mo may humahalik sa picture mo. *Bes derma lang katapat nyan. Naniwala ka din sa sinabi nya na aantayin mo sya pero bes ang kati, nauna pa ang higad na magka “Jowa” sa iyo at ikaw nag antay ka hanggang sa tubuan ka na ng ugat at baka naman pwede ka ng gawing rebulto sa monumento sa tigas ng katawan mo dahil sa paniniwalang MAAANTAY ka nya. Hirap bes nuh? Kaya pa? 

May time na kinikilig ka kapag kausap mo sya iyon bang kahit “seen” na nya message mo deadma ka lang kasi iniisip mo na baka Busy sya? *Bes Tang ang inumin mo H’wag MILO, Anong busy? isa lang ibig sabihin nyan hindi ka priority at kapag naubusan na sya ng kausap saka sya magrereply sayo. Ikaw naman na kamag anak ng GOMBURZA todo kilig ka naman. Akala mo talaga gusto ka nya. Bes gumising tayo sa katotohanan na sa mundong ito na ginagalawan natin laging may 2nd option, laging may plan B at laging may pangalawa. Isa pa dahan dahan lang sa kilig, sabi nga nang isa kong kaibigan tipirin lang ang landi. Pag nag message sya sayo ng “Okay lang naman” Aba bes hwag naman essay ang i reply mo! nakakatamad kayang magbasa ng nobela na hindi ka interisado. Kaya pa bes?

Sa kagustuhan mo na mapansin ka nya, Aba! bes lahat ng qoutes sa Google inaraw araw mo na. Akala mo naman nababasa nya. Hinay hinay lang. Diba? ang dami nating tanong pero bakit nga ba saging lang ang may puso? Nakailang bulalakaw na ba ang dumaan at nakailang hiling ka na ba? Hiniling mo na sana ay mapansin ka nya pero sa kabilang dako hinihiling naman nya na sana ay mapansin naman sya ng crush nya. Saklap bes nalilito ang bulalakaw kong sino sa inyo ang pagbibigyan. Pati yata buto ng manok pinag intiresan nyo, Iyon bang joy bone ba yun? na kapag pinutol mo at sayo napunta yung isang malaking part eh matutupad ang wish mo? Hindi ko sya nasubukan kasi pati yata buto ng manok nauubos ko.  

Bakit ba binabasa natin ang horoscope nya at pinipilit natin ikonekta sa horoscope natin. Bakit kahit alam natin ang sagot Pinipilit parin nating paniwalain ang sarili natin na “baka hindi naman” at “Baka naman pwede pa. Nakakalito at nakakahilo ang napaka daming tanong, nakakahilo at nakaka baliw na ang mga sagot na ayaw mo namang tanggapin. Nag aantay tayo at umaasa sa mga natitirang “sana” *Hugot yan ng kaibigan ko. Minsan naiisip mo at haharap ka sa salamin at sasabihin ang mga linyang “Panget ba ako? kapalitpalit ba ako?” Bes di ka si liza tangapin mo na lang ang tanong na “Why?” para may explanation at kapg nakuha mo ang sagot balik ka ulit sa una mong tanong.

Ilang kilong luha pa ba ang maluluha mo? *OA lang ako bes sa kilo. Baka naman patak. Aasa ka pa ba sa post nya na akala mo pinaparingan ka nya. May pa heart heart ka pa na akala mo ikaw ang pinaparingan nya, pero ang katotohanan ang syang magpapalaya sayo. Hindi ikaw yun bes wag mag assume. Bakit nga ba may Puso ang saging. Mahal na mahal nya ba ang mga taong pumipitas sa bunga nya? ginawa ba talaga sya para kahit na akapin mo sya hindi ka masasaktan. Ang puno ba ng saging ang syang nagsasabi na kahit isa lang ang puso mo isang laksa namang bunga ang ibibigay nito. Bakit saging lang ang may puso. Bakit pula ang puso nito? Naranasan na ba ng saging ang magmahal at masaktan? Datinkaya syang tao na pinarusahan dahilnmeron syang matigas na puso? Ano ba ang alamat nya at bakit sukat na sikat sya. Minsan natanong ko na rin, sa kantang leron leron sinta bakit naging buko ang papaya? Minsan kahit masaya ang kanta malukungkot ka na lang dahil nararamdamn mo parin ang lyrics nito. Kahit nga sa huling kanya ng Leron leron sinta iniyakan mo na. “Kapos kapalaran humanap ng iba”. Diba ang bastos lang ng kanta at tinuturaan ka pang mangaliwa sa konting mali na nagawa mo. 

Sa kantang bahay kubo bakit parang ang sarap sarap ng mga gulay? pero pag pinagsama sama mo lahat ng nabangit sa kanta wala namang lasa? Pero naisip mo na ba ang sagot sa tanong kong bakit saging lang ang may puso? Sya iiwan ko na kayo dyan, nasayang ko oras nyo sa walang kwentang phuhugot ko.

Bakit saging lang ang may puso? Pero ang puno ng mangga sa amin inukitan ko ng puso at ang naka paloob dito ay ang pangalan ko at pangalan mo. Kaya hindi lang talaga ang saging ang may puso.

FIN

(Picture credit to Theanabanana.com

Advertisements

Dear Secret YOU,


Dear Secret YOU,

I vividly remember the time the place and even your OOTD. Wearing white shirt and jeans. Wearing your beautiful smile and tantalizing eyes. Doon kita unang nasilayan at hanggang ngayon ay nakatatak na sa aking isipan.

I secretly fell in love to the person na hindi ko pa kilala. Iyon pala ang sinasabi nilang love at first sight. Sekreto kitang tinitignan at pinagmamasdan. Sekretong tumitibok ang puso ko sa isang tao na hindi ko pa lubusang kilala. Hindi ko alam kong nahuli mo akong nakatitig sa iyo. 

Natapos ang araw na hindi kita nakausap. Natapos ang araw na hindi kita nalapitan. Walang panghihinayang sa isang sandali na nasayang. Inaasahan ko ang susunod nating pagkikita pero sinigurado ko na hindi ko ipaparamdam na nahuli mo ang puso ko sa una nating pagtatagpo. Sabi nila mapagbiro daw ang tadhana dahil nakita kita ng hindi ko inaasahan. Gaya ng una nating pagkikita suot mo parin ang maganda mong ngiti at ang mata mong nagnining-ning. 

Hindi na tadhana ang gumawa ng paraan kundi ako na mismo ang s’yang nagutos sa kong anong tadhana ang pwedeng mangyari sa muli nating pagkikita. Tumibok na naman ang puso ko nang makatabi kita sa upuan patungo sa lugar kong saan ako masasaktan. Sa lugar na makikipaglaro ako sa aking tunay na nararamdaman. 

Inilapit ko ang sarili ko sayo kahit ang tadhana ay hindi sumang ayon dito. Inilapit ko ang sarili ko sa katulad mo at inilayo ko naman ang nararamdaman ko para sayo. Itinulak kita sa isang kaibigan na mayroong gusto sayo. Kahit nasasaktan ay itinago ko ang tibok ng puso ko para magparaya sa isang kaibigan na may pagtingin sayo. 

Nadudurog ang puso ko sa t’wing nasisilayan kita na nakangiti habang kausap sya. Pero magaling ang puso ko magbalat kayo sa isang damdamin na hindi ko dapat ipakita. Natapos ang araw at hindi na kita nakausap pa. 

Ilang beses pa kitang nakita at walang nagbago sa kong ano ang pagkakakilala ko sayo. Ganon parin ang tibok ng puso ko. Gaya ng dati ay tinulak ulit kita sa kanya para ilayo at ipag walang bahala ang nararamdaman ng aking puso. Tinawag kita sa pangalang mapapalapit ako sayo at tinawag mo ako sa pangalan kagaya ng pagtawag ko sayo. Wala kang alam sa kong ano ang nararamdaman ko sa t’wing naririnig ko ang tawagan natin na may nakatagong lambing. Maari sa iyo ay normal lang ito pero sa akin ito ay isang salitang inimbento ko para mapasaya ang sarili ko kahit alam ko naman ang totoo.

Hanggang sa ngayon ikaw parin ang unang tao na nakita ko sa unang pagkakataon na agad itinibok ng puso ko. Dumating ang araw na nakasama kita sa isang lugar na tayo lang dalawa. Walang pagnanasa kundi puro saya lang. Nakasama kita ng buong magdamag at sa pagkakataon na iyon ang puso konay tumibok sa kakaibang kalabog. Maaring hindi mo eto naramdaman ngunit ang napakasimpleng paraan upang iparamdam sayo ay ginawa ko. 

Ikaw na aking lihim na minamahal sana ay dumating ang araw na masabi mo sa akin na ako rin ay iyong mahal. Sa pag kagusto ko sayo na hindi ko alam kong papaano sana ay maramdaman mo na ang akap ko sa iyo ay akap ng taong nagmamahal ng totoo.

Nagmamahal,

Secret ME

Lessons learned from my Ex(es) 


*Forgiveness.

If you hurt someone from the past, Please forgive your self. If you hurt, Please try to understand. Intindihin mo s’ya at patawarin this is not about Him/Her, Magptawad ka kahit ikaw ang nasaktan. Dahil ang unang magpatawad ang siyang unang nagiging masaya. If you hold those grudges you will never be happy in your life. Forgiveness is enough and please don’t try to be part of His/Her life again. Never again. 

*Don’t care too much.



It is okay to care someone from your past but don’t let your self in pain again. Okay lang naman na mag alala ka pero mag iingat ka dahil magkaiba ang pag aalala sa kaibigan kaysa pag alala dahil mahal mo pa s’ya. Never ever allow your self to care too much to the point that theres nothing left from you, because you wouldn’t know if He/She care the way that you do.  

*How are you is enough.

 
If you are trying to be friend/s again to your ex please be mindful that “How are you” is better than “I love you”. Don’t try to be in His/Her life again. Yes! Second chances is still in the topic but remember He/She is not the same person as before. Lot of changes and theres a lot of painful memories that you need to re-consider. Again don’t be fool from your own mistakes. 

*I’m okay.



You should be okay always. Wear better and love better. H’wag mong ipakita na naging miserable ang buhay mo pagkatapos nya. Magmumukha ka lang kawawa. Show to His/Her that you get better and better after the break up. You are now independent from your own choices. You are better to His/Her present. Let the world realize that you are worthy enough. You are in your own world after living together in a world of lies. 

*Say Thank you.

Have courage to say thank you from your past. You’ve learned a lot. Those learnings are the reasons of a new version of you. You should never do the same mistakes again. You are wise and independent. Now you know how to play a game. You know what kind of cards that you need to show. Be thankful to His/Her because your past relationship/s is one of the biggest lessons of your life. We commit mistakes, always. Hating them is not always the answer to move on. That’s not the right thing to do. Hating someone is a waste of time in a things that you will never have again. 

H’wag kang mapagod at matakot magmahal muli. Dahil ang katapusan ng lahat nang bagay ay may simula. Hindi natatapos ang pag ikot ng mundo sa isang sakit o pagkakamali na nagawa mo. Nasasaktan tayo dahil hindi mo na mababalik ang dati. Umiiyak tayo hindi dahil sa sakit na naranasan natin kundi dahil sa mga masasayang pangyayari noong nagpapakatanga ka pa sa kanya. Hindi mali ang magmahal lalong hindi mali ang mahalin s’ya, ang tanging mali lang ay ang napaniwala ka nya na mahal ka at ikaw lang at wala ng iba pa.

xoxo

Kong ngayon ang simula


Minsan iniisip ko na lang na kong ngayon ba ang noon mapapansin mo kaya ako? Kong kasing lamig ba nang hangin ang sampung taong lumipas maakap pa kaya kita? Naalala mo pa lahat ng simula na meron tayo. Simula mo na tinapos ko. Iyong mga kamay mo na humahaplos sa palad ko. Gusto ko ang noon mo, gusto ko yung dating tayo na alam kong mahirap ng pantayan. 

Mata mo na parang nagungusap at nagmamakaawa dahil sa pagmamahal na kailangan nating panindigan. Pagmamahal na tinapos ko na walang sabi at pagmamahal mo na una, na inilagay ko sa huli. Naalala  mo pa ba nang una kitang masilayan. Sa pila na puno ng tanong kong pwede bang ikaw ay aking makilala. Pila na walang kasiguraduhan kong ako ba ang mauuna o ikaw dahil sa hindi mo naman ako kilala. Tinitigan kita sa malayo na parang ang mga mata mo ay naguudyok na ikaw ay aking lapitan. Nagtagpo ang ating mata na kunwari hindi kita sinisinta. 

Nagkita tayo sa di inaasahang pagkakataon. Nagsalubong ulit ang ating mga mata, mga mata natin na parang nangulila sa isa’t isa. Nakita kita sa ‘di kalayuan at nakita mo rin ako na alam mong ikaw ay aking lalapitan. Iniwasan mo ako ng tingin na kunwari ay hindi napansin. Mula sa likod mo ay hinaplos kita upang ako ay iyong lingunin. Tanging Kumusta sa isa’t isa ang ating nasambit na parang ang noon na sampung taon ay araw lang ang binilang ng hindi kita nakapiling. Malaki ang pinagbago mo. Malaki at nag iba buhat nang una kitang makita. Pero ang mga mata mo ay katulad parin noong tayong dalawa. Kumikinang sa pag asa na baka sakali ay meron pa.

Natakot akong tanungin ka ng isang tanong na ang sagot ay bahala na. Natakot akong akapin ka baka sakali ikaw ay tuluyan ng nag iba. Muli tayong nagkita doon sa luma kong saan kita muling nasilayan. Inari natin ang gabi na tila tayo lang. Nasundan ng pailang pagkikita na para bang ibinibigay natin ang mga pagkukulang noong tayo pa.

Habang ako ay iyong akap at nilalabanan ang lamig, tila may ibinulong ang hangin na ang sambit ay kong may gusto ba ako sa iyo? Humarap ako at  nangusap at sinabi kong matagal na tayong nagkagustuhan at ang tanong dapat ay kong mahal pa ba natin ang isa’t isa. Tumahimik ang paligid hanggang sa tuluyan tayong nakatulog ng mahimbing.

Kong ngayon ang simula makikilala ba kita? Kong ngayon ang simula maaakap ba kita? Ngayon ang simula ng katapusan nang ating pagkikita. Para akong magnanakaw na inaari ang pag aari ng iba. Para akong bata na takam na takam sa bawat kong nakikita. Kong ngayon ang simula mamahalin din kita gaya nang pagmamahal mo noon nang una mo akong nakita.
Kong ngayon ang simula maaring ayoko ng tapusin pa.
xoxo

May KOTA ba sa pag ibig?


Sa mahigit sa pitong bilyong tao sa mundo tiyak daw na may para sa iyo, kahit pa nasa magkabilang dulo kayo ng daigdig kong para kayo sa isa’t isa eh di kayo talaga. Sa bawat taong nagmamahal may tao ding nasasaktan. Na sa bawat minamahal mo ay may nagmamahal din naman sa iyo. Na kahit sa magkabilang dulo nang mundo ay magkatalikod kayo, panigurado magtatagpo din ang landas nyo. 

Sa bawat taong nagiging masaya ay may isang tao naman na tuloy parin sa pagasa. May Kota ba talaga ang taong umiibig? Iyong naging masaya ka ngayon dahil sa ilang bilyong tao ay may nakilala ka at may nagpatibok ng puso mo. Pero hindi parin pala sya ang taong makakatuluyan mo. 

Mabuti pa ang tambay sa kanto hindi iniisip kong sino ang makakapareha nya. Nakita mo ba iyong taong grasa na namamalimos? iniisip din kaya nya kong sino ang para sa kanya. Iyong nanay at tatay mo naisip mo ba o natanong mo ba sa kanila kung ilang beses silang sumubok bago nila nakilala ang isa’t isa. Nakaabot kaya sila sa kota? o sadyang nakuntento na lang sila sa bawat isa. 

Naisip ko lang habang nakahalukipkip ang aking mga kamay, naabot ko na ba ang kota sa pag ibig? Kong OO ang sagot maari ay dumating na sya pero napakawalan ko pa o maari na wala talagang nakatakda para sa akin. Kung HINDI naman ang sagot, ilang beses pa akong susubok para malaman kong tama na at naka kota na ako.
 Sinubukan ko na nga yata ang red string na sinasabi nila. Pati ang pulang sinulid nang lola ko na nakatabi sa lata ng biskwit ay nasubukan ko na ring abutin ang dulo pero ayon nagkabuhol buhol lang at napingot pa ako sa tenga ni felomina. 

Kong talagang may kota ang pag ibig eh di para kang isang ahente na naghahabol nang benta? na kong hindi mo maabot ang kita ay malamang matanggal ka. Saklap naman na walang nakakaalam sa atin kong naabot na ba natin ang kota ng pag ibig. 
Sa ilang bilyong tao sa mundo sadya ba talagang may kapareha tayo? ano kaya ang kasarian nya? makakapili ka ba para lang maabot mo ang tinatawag nilang kota o sadyang darating sya sayo. 
Minsan habang pinagmamasdan ko ang bawat pasahero sa MRT naiisip ko isa ba sa kanila ang magsasabi sa akin na “Its over” o magsasabi sa akin na “tama na ako na ang kota mo”. Si kuya ba na nakasandal sa pintuan ng tren, pero hindi sya ang tipo ko! Si ate ba na ang pustura ay parang payaso sa isang kilalang kainan, pero ayoko sa kanya. Si manong ba? Na sumisingaw ang amoy nang maghapong pagtatrabaho sa tirik na araw, pero teka matanda sya sa akin na halos doble ng edad ko. Pero teka! may pinipili bang edad ang pag ibig.
 
Sa dinami dami ng dumaan sa iyo malamang naabot mo na ang kota. Paano pa kaya ang mga tao na magpa hanggang ngayon ay hindi pa nagsisimulang magbilang para sa kanilang hahabulin na kota. Tatanda na lang ba silang mag isa o napagod na sila sa paghahabol dahil kahit isa ay hindi nila naabot ang umpisa nang tinatawag nilang kota.

Sige na nga bahala na kong makailan tayo ang mahalaga ay wala namang nagbabawal kong sino at kong para kanino tayo. Wala namang kota ang taong umiibig diba? Hindi mo kailangan lagyan ng limitasyon ang puso mo. Hindi mo pwedeng sabihin na tama na at ayaw mo na. Walang kota sa taong hindi takot sumubok magmahal. Iyong tao na kahit ilang beses ng nasaktan sige parin. Iyong tao na “Nagmahal, Nasaktan, Naka jackpot”. Hanggang dito na lang baka sakaling maka kota na ako.

fin

What if?


Ang daming tanong kong bakit? para saan? at bakit hindi? What if nga? What if maging tayo? Bakit may what if sa bawat tanong kong pwede namang sabihin na Tayo na? o pwede namang sabihing mahal kita, pero ang tanong paano tayo magsisimula. 

Magulo diba? What if maging tayo at magtapos sa salitang hindi pala kita gusto. What if kong hindi ikaw ang nagustohan ko? Magsisimula tayo sa unang tingin at sa unang sulyap nang ating mga mata ay may mararamdamang kakaiba ngunit subalit ay magtatapos tayo sa sulyap na para bang hindi tayo nagkakilala. What if hindi ikaw ang nagustohan ko, aasa kaya ako nang ganito. Aasa ba ako na maging tayo at aasa ba ako na what if gusto mo din pala ako. Hanggang What if na lang ba ang nararamdaman ko? O susuyoin kita na para bang walang magbabago.
Bakit ba mahirap magmahal ang taong labis na nasaktan? What if hindi ka nasaktan, mamahalin mo ba ako kagaya ng pagmamahal mo sa kanya? Mahirap umasa sa taong maraming What if sa buhay. What if masaktan ako? What if hindi mag work, What if hindi pala kita gusto at what if hindi naman pala ito totoo. Alinlangan nang isang tao na takot sumubok sa tinitibok ng kanyang kapalaran. 
Mag uumpisa tayo sa simula at magtatapos tayo sa hangganan, kung saan ang mga tanong at alinlangan mo ay aking papawiin. What if ako pala ang hinihintay mo nang kay tagal pero what if umaasa lang ako sa wala, sa walang makakapagsabi kong bakit What if nga?

fin

Ang 5 kasalanan nang Paghanga


Hinahangad mo man ang kanyang puso, ngunit ito ay napapaloob pa sa kanyang nakaraan.

Ang limang kasalanan sa paghanga.

Unang kasalanan -Magnasa

Humanga ka ng walang halong pagnanasa. Paghanga na walang bahid kasamaan at kahit na ipikit mo ang iyong mata walang maduming imahinasyon ang magpapatupi sa iyong hangarin na kay ganda. Humanga ka ng naaayon sa tibok ng iyong puso, paghanga na sa mata mo nakikita ang pag asang makamtan sya sa panaginip ng iyong pagsinta. Hwag kang magnasa sa hindi mo pag aari isa sa sampung utos na kailanman ay hindi natin kayang masunod. Kasalanan na magpasa hanggang ngayon ay pilit mo paring nilalabanan.

Ikalawamg kasalanan- Umasa

Ilang beses mo na bang narinig na ang paghanga o pagkagusto sa isang bagay ay wag na wag mong hihingian ng kapalit. Hwag kang aasa sa iyong nararamdaman dahil minsan kahit ang sarili nating pakiramdam ang mas higit na nakakasakit sa ating sarili. Hwag kang umasa na gusto ka rin niya. Hwag kang papatay isa sa sampung utos. Hwag mong antayin na patayin mo ang sarili mo dahil sa pag asa at sa salitang “Malay mo”. Umasa ka sa nararamdaman mo na hindi ka talaga nya gusto at umasa ka na sa huli ay ikaw ay talo. Hwag kang aasa sa isang bagay na hindi talaga sayo; at kapag ikaw ay nasaktan na! Bumitaw ka na parang payasong hindi makita ang emosyon, bumitaw ka sa pag asang may tamang panahon ang lahat. Dahil ang tamang panahon na inaantay mo ay iyong ngayon na ang ibig sabihin ay bitaw na sa iyong patuloy na pag asa.

Ikatlong kasalanan- Maghintay

Hwag kang umasang darating ang araw na ikaw ay kanyang balikan. Hwag mong antayin ang oras na siya ay mahumaling at maibaling ang kanyang puso sa iyong nais. Hwag kang mag antay sa pagkakataon na magbago ang isip nya, dahil sa bawat pag aantay may nasasayang na oras. Panahon na dapat sa iba ikaw ay nakalaan. Hwag kang maghintay sa wala., Walang kayo! Walang tayo! Walang pagbabago na hanggang dito na lang ang sasabihin nya sa iyo. Ang maghintay sa taong hindi ka kayang puntahan ay sapat na upang bumitaw ka sa orasang nagpahinto sa pagikot ng mundo mo. Hwag kang mag hintay sa pag asa na siya ay magbabago pa. Hwag mong antayin na matapos ang huling pag bati nya na hindi sya handa sa bawat pagpilit mo sa damdamin nya.

Ika-apat na kasalanan – Magselos

Ang tanging karapatan mo lamang ay humanga at hindi ang pag selosan ang bawat nyang gawa. Wala kang laya na mag bigay nang tampo sa taong iyong minumutya. Wala kang karapatan sa sukdulan ng iyong hangaring sya ay mapaibig. Wala kang karapatang magselos sa isang bagay na kailanman ay hindi mo pa nagiging ari. Wala kang laya na magalit sa bawat titig nya sa kanyang sinisinta dahil ang tanging karapatan mo lamang ay ariin ang iyong nararamdaman at hindi ang akinin na siya ay iyo at ikaw ay para sa kanya. Wala kang batas na sya ay pagtampuhan, dahil sa bawat tampo na iyong binibitawan ay unti unti naman syang maglalamlam papalayo sa iyo. Magselos ka sa bagay na nasa iyo na, hindi sa bagay na kailanman ay papangarapin mong mapasa iyo pa.

Ang huli at ikalimang kasalanan- Mahalin siya

Hindi ka nya inutusan na siya ay mahalin mo. Wala kang salitang narinig sa kanya na pilitin mo syang mahalin. Hwag kang magmamahal sa bagay na alam mong hindi mapapasa iyo dahil alam mo ang sagot. Madudurog lang ang puso mo na parang babasaging baso dahil sa kakapumilit mong magmahal sa isang tao na kailanman ay di ka ginusto. Hwag mong ipilit na patibokin ang puso mo sa isang tao na kahit ni katiting na oras ay walang naiambag sa talambuhay mo. Hwag mong hayaang masaktan ka sa pag ibig na ikaw lang ang nakakaalam. Hwag mong hayaang panghawakan pa ang mukha niyang mapaglinglang dahil sa nabighani ka sa una nyong pagkikita. Hayaan mo na sa huli ng sukdulang mahal mo na sya; ay dahan dahan kang bibitaw sa sakit na iyong nadarama.
Mga kasalanan ng isang taong humahanga sa isang taong manhid at walang pusong maihahatid. Kasalanan na tayo rin ang gumawa upang pasakitan ang ating sarili. 
Kung kasalanan man na humanga sa isang kagaya nya baka sakaling sa lahat ng simbahan ako ay mangumpisal na. Kung krimen ang umibig sa taong di ka iniibig handa akong pumasok sa rehas ng mga pusong bilango. Nakakulong sa pag asa at pangakong “Baka” at  “Malay natin” kaya kung ito ay kasalanan? Patawad sa patuloy kong pagtangis.

Noong minsan may TAYO


Masaya tayo na nagtatawanan nagbibiroan at niyayapos ang sandaling magkasama. Noong minsan ay may tayo, pinangako mo na ikaw lang at ako doon sa sa upuan kong saan tayo unang nagtagpo.

Pinangako mo ang mga salitang “Mahal mo ako” at napaniwalang ito ay totoo. Habang binibigkas mo sa mga labi mo ang mga katagang pangako ko, ay para akong isang kahoy na ipinako mo sa kinatatayuan ko.

Binuhos mo ang kilig sa katawan ko na para bang ikaw ang una at huling taong mamahalin ko. Mahal kita! yan ang binitawan mo habang ang mga mata mo ay nakatitig sa mga mata ko. Nakatitig ang mga mata mo na parang Tala na nagbigay liwanag sa puso ko. Nakita ko ang katotohanan at pagsusumamo mo na kahit bulag itong puso ko ay naramdaman ko naman ang mga katagang sinasambit mo, Tumatagos ang bawat linya na binibigkas mo. Linya na dumadaloy sa dugo ko patungo sa puso ko  at ang puso ko ay ibinubuga ito kasabay ng pagtibok nito.

Noong minsan ay may tayo, gumawa ako ng isang tula na ang bawat talata ay binibigkas ko na may saya at lambing. Lambing ng isang nagmamahal at nabubulag sa pagmamahal. Gumawa ako ng tula upang ipakita sa iyo na kahit ang mga tala ay kumikinang sa kinatatayoan mo. Liwanag ang nakikita ko dahil sa pagkakataong iyon nabulag ako sa liwanag na inihatid nito.

Pinakilig mo ako na parang isang halaman na ngayon lang nadiligan. Pinaramdam mo ang salitang tayo sa maraming tao na kahit ang mga mata nila ay nanlilisik sa panghuhusga ng makita nila ang dalawang lalake na naghahawak kamay na hindi alintana ang mga taong akala mo ay nakasutana. Hinawakan mo ang mga kamay ko kasabay sa paghigpit nito na ang pangakong ngayon ay tayo ay hindi magbabago.

Pero Natapos ang minsan na may tayo ng makita kita sa parehong lugar na may pinapangakuan at inaalayan ng parehong pagmamahal na iyong ibinigay noong unang maging tayo. Naramdaman ko ang kab0g ng dibdib ko. Kumakabog sa kaba at lungkot na ang dating linya na binabangit mo ay unti unting nanunuot sa puso ko. Linya ng pagmamahal na ngayon ay gumuguhit at nagdadala ng sakit sa puso ko.

Tumayo ako sa di kalayuan habang kayo ay pinagmamasdan. Nakangiti ka sa kanya gaya ng mga ngiti na iyong ibinigay noong unang maging tayo. Naramdaman ko ang lungkot at poot ng makita kitang hinawakan ang kanyang mga kamay gaya ng paghawak mo sa aking mga kamay noong minsan ay may tayo. Nakita ko ang saya sa labi at mga mata mo habang kinakausap mo sya at nakatitig ka sa mga mata nya.

Lumakad ako papalapit sa inyo upang malaman mo na ako ay nandirito, na handang patawarin ang kamalian mo. Pinilit kong kausapin ka upang ibalik ang salitang TAYO, pero mas pinili mo ang bago mo, na kapareho lang halos ng pagmamahal na ipinakita mo noong minsan ay may salitang TAYO.

Lumakad kayo papalayo sa akin. unti unting nawawala sa paningin ko na halos hindi na matanaw ng mga mata ko. Habang dating tala na meron ako ay unti unting nawawala ang kinang nito. Sabay sa paglayo nyo ay ang pagbuhos ng ulan na para bang sinabayan ang pagbagsak ng luha ko. Lumakad akong nakayoko upang hindi makita ng mga tao ang sakit na meron ako, Sakit na dulot ng mga salitang binitawan mo noong minsan ay may Tayo.

Natapos na ang minsan ay may tayo. Nakita kitang nakatayo sa harapan ko. Malungkot at lumuluha.Ang dating tala na napundi ang liwanag ay unti unting kumikislap.  Inakap mo ako at umiyak dahil nasaktan ka sa pagpili sa kanya. Nasaktan ka ng iwanan ka nya na ang pangako na ginawa mo sa akin noon ay ginawa nya sa iyo pero sa huli ay minsan lang din na may Kayo. Ang tala ko na akala ko ay ptuloy na sa pagkinang ay tuluyan ng naglamlam.

Inakap kita nang sobrang higpit, Inakap kita na may kasamang tayo na lang ulit. Pero ang mga akap mo ay akap nang sakit na naramdaman mo sa taong minahal mo. Inakap mo ako upang damayan ka, hindi upang mahalin ako. Binitawan na kita upang mahalin sya at kahit masakit na hindi na pala pwede talaga ay pinilit ko na talikuran ka. Ngumiti ako sayo at ngumiti ka rin sa akin tanda na tayo ay magkaibigan na.

Tinalikuran kita gaya ng pagtalikod mo sa mga pangako mo. Tinalikuran kita habang ako ay lumuluha, Tinalikuran kita habang ang bawat salita na lumalabas sa aking puso ay sobrang sakit na. Mga salitang umasa ako na baka pwede pa?

Sana tayo na lang ulit, Sana ako na lang ulit. Pero hindi ko naramdaman yan sa mga akap mo. Dahil ang naramdaman  ko ay ang sakit na naranasan mo ng ikaw naman ay iwan ng taong totoong minamahal mo. Lumayo na ako sa iyo upang iparamdam na OKAY na ako. Pinaubaya na pala kita matagal na. At sa wakas binitawan ko na ang pag asang sana ay may tayo ulit. Sa huli, paalam sa unang tao na nagbigay ng salitang TAYO.
~fin

Hugot: Paano gumawa ng HOPIA with feelings


Minsan ko lang ibahagi ang recipe ko sa pag gawa ng Hopia. Marami na ang sumubok nito at nagtagumpay naman sila. Try nyo lang baka sakaling magustuhan nyo rin.
Step by step dapat Okay?
1. Hangaan mo sya. Titigan mo hanggang sa malusaw sya.
2. I-add mo sa lahat ng social media account para may balita ka sa buhay nya.
3. I like mo ang mga post nya iyong kahit ilang taon na ang nakalipas ilike mo parin para mapansin ka nya.
4. I close mo sya, yun bang Hi and hello na message lang tapos magrereply din sya. Tapos sasagot ka ng napakahabang reply dahil excited ka at ang isasagot naman nya ay “Hahahaha” kinilig ka naman.
5. Mag reply ka sa “hahaha” nya para hindi maputol ang paguusap nyo. Magrereply sya ng emoticon na “smiley” syempre kinilig ka naman ulit at ang reply mo naman ay pang nobela.
6. Hwag mo ng antayin na magreply sya mag message ka agad kahit na seen na nya malay mo busy lang sya. Unahan mo na agad ng “busy ka po ba?” Magrereply sya ng “medyo po”. Pota kinilig kanulit kasi may “Po” akala mo nanlalambing.
7. Pahinga ka muna ng ilang minuto pag nag reply sya kunwari di mo alam at Busy ka rin. Pero sa totoo nangingig ka na sa pagpindot. 
8. Magchat kayo everyday nakakasarap ng pakiramdam yan. Iyon bang kahit hindi nya pa na si-seen ang message mo push mo lang o yung kahit ikaw na mismo ang sumasagot sa tanong mo push mo pa rin baka nga busy lang naman.
9. May bago syang post about love mag like ka ng heart tapos mag comment ka ng emoticon na may puso ang mata kasi asang asa ka na patama sya sayo. Magpost ka rin sa wall mo ng qoutes tapos lagyan mo ng feelings na “Feeling Loved” ganun kahit ikaw lang nakakaintidi. Pag may nagnonotify agad tignan mo baka sya na pero dahan dahan lang huh baka malaglag ka sa kinauupuan mo pag nag like sya.
10. I like mo ang post nya kasama ang crush nya. Mag comment kapa na “bagay kayo” with smiley dapat para convincing na di ka bitter. Tapos mag post ka sa wall mo na kunwari masaya ka.
11. At ang huli umasa ka parin go lang kaya mo yan laban lang ng laban pag di ka crush ng crush mo I crush mo na lang ang crush nya para may challenge At make landi ka dapat para winner LOL
Fin

#CrushChallenge

Note to self: Two years ago


“It WILL be OK. You will learn to love again. You CAN do it on your own.. and you’ll do it better because you love yourself “

2 years ago, same date same month. (June 22 ) Nakilala ko sya nag usap kami sa biranda, dalawa lang kami habang nakatingala sa napakadilim nakalangitan. 2 years ago noong subukan ko muling magmahal. Maingay ang paligid noon at kanya kanyang kwento ang bawat naroroon. Pero noong gabi na iyon ay parang kami lang sa kanlungan ng mga bituin, bituin na nagkukumpulan sa paligid ng liwanag ng buwan. Iniabot nya ang tatlong pirasong makukulay na kendi. Iyong kendi na parang lolipop tuwing magpapasko. First gift after ng birthday ko. Tanda ko iyon kasi apat na araw lang ang nakakalipas. Hindi ko s’ya matitigan dahil sa nahihiya ako sa kanya.

2 years ago na pala nang maranasan kong magmahal at masaktan. Ngayon nagsisimula na naman ako sa parehong buwan at araw. Nagsisimula na namang pumintig ang matagal tagal  na namahingang puso ko. Magkaibang tao pero magkapareho ng estado at propesyon. Iniiwasan kong wag na muling magkagusto sa taong nasa paligid ko lang din pero hindi mo mapigilan kong ang tadhana ang maglapit sa iyo nito. Handa na ba akong magmahal at masaktan? Magmahal sa taong hindi ko alam kong may nararamdaman din ba. 

Pwede bang magmahal na pareho kayong nagbibigay ng sukli ng pagmamahal. Pwede bang magmahal ng hindi ka nasasaktan? 

Dear future, sana lang ay panghawakan mo ang mga takot ko sa nakaraan, sana tulungan mo akong magmahal muli sa pamamagitan ng pagmamahal mo. Tulungan mo akong hwag masaktan sa mga pangako na iyong bibitawan.

“Hold your head high and stop hurting. Don’t let them hurt you anymore. Don’t let them anger you or cause hate in your heart. Look forward not back. Forget the pain. Love again. 

Note to self: Magmahal ka na parang hindi ka nasaktan. Umibig ka na parang walang sakit ang nakaraan. Kalimutan ang nakaraan at akapin, tangapin at mahalin ang hinaharap. Mabuhay ka ng naaayon sa kaligayahan at sa nararamdaman mo ngayon.

Fin